Зертхана, архивтегі фото

COVID-19: Ғалымдар антидене ағзада бір ай ғана болатынын анықтады

1750
Зерттеуге сәйкес, жазылып шыққандардың 80,7 процентінде антиденелер болған. Алайда олардың барлығы бірдей инфекциядан қорғай алмаған

НҰР-СҰЛТАН, 11 қыркүйек – Sputnik. Қытай ғалымдары коронавируспен ауырып шыққан адамдардың ағзасында антиденелер бір айдың ішінде азайып кететінін анықтады, деп хабарлады Express сайты.   

Нанкин университеті жанындағы медицина мектебінің ғалымдары коронавирустың жеңіл түріне шалдыққан 19 науқас пен ауыр жағдайда болған 7 адамның денсаулығын екі ай бойы бақылаған.

Оқи отырыңыз: COVID-19 вакцинасын кімдерге салуға болмайды – иммунолог жауап берді 

Зерттеуге сәйкес, жазылып шыққандардың 80,7 процентінде антиденелер болған. Алайда ол антиденелердің  барлығы бірдей инфекциядан қорғай алмаған, азғантай бөлігі ғана вирусқа төтеп беріпті. Ғалымдар ауруханадан кейін үш-төрт аптаның ішінде антиденелердің қорғаныс қабілеті айтарлықтай төмендегенін анықтаған.

"Демек, коронавируспен ауырып шыққан адамдардың қанын осы ауруға шалдыққан науқастарға құйғанда антиденелердің деңгейіне баса назар аудару керек, қан сынамаларын мұқият таңдаған жөн", - дейді ғалымдар.

Бұдан бөлек, коронавирусқа шалдыққан адамның ағзасындағы антиденелердің бөлінуіне қатысты қолданбалы ақпарат тиімді емдеу мен алдын алу вакциналарын әзірлеуге көмектеседі.

Айта кетейік, бұған дейін америкалық ғалымдар коронавирустың жеңіл және орташа түрімен ауырған адамдардың ағзасында антиденелер үш айға дейін сақталады деген болатын.

1750
Кілт сөздер:
коронавирус, ғалымдар
Тақырып:
Коронавирус эпидемиясы (1544)
Тақырып бойынша
Қазақстан ақпанда коронавирусқа қарсы вакцинаны жаппай шығаруды жоспарлап отыр
ДДҰ коронавирус туралы: бұл соңғы пандемия емес
Ғалымдар коронавирус жұқтырудан қорғанудың жолын тапты
Дәрігерлер коронавирустан емдеу үшін жылқының антиденелерін пайдаланбақ
Коронавирусқа қарсы вакцина қанша теңге тұруы мүмкін
Архивтегі фото

Қытайда тәрбиеші өлім жазасына кесілді

81
Балабақша қызметкері Ван Юнь әріптесінен өш алу мақсатында оның тобына барып жүрген балаларды улағаны анықталды

НҰР-СҰЛТАН, 29 қыркүйек – Sputnik. Қытайдың Цзяоцзо қаласында халық соты балабақша қызметкерін өлім жазасына кесті, деп хабарлады РИА Новости.

Сот материалдарына сәйкес, "Мэнмэн" балабақшасында жұмыс істеген Ван Юнь деген келіншек орта топқа жауапты тәрбиешімен жанжалдасып қалған. Артынан әріптесінен өш алу мақсатында оның тобына барып жүрген балаларды улауға шешім қабылдайды. Сөйтіп, 2019 жылы 27 наурызда таңертең Сунь есімді тәрбиешінің балалары жейтін ботқаға натрий нитритін салып жіберген. Сол күні 25 бала уланып, ауруханаға түсті. Бір бала көз жұмды.

Оқи отырыңыз: Балабақшадағы балалар есек етін жеп келгені әшкере болды 

Тергеу шаралары барысында Ван Юньн осы іспетті тағы бір қылмыс жасағаны анықталды. Осыдан үш жыл бұрын үйдегі жанжалдан кейін ол күйеуін улаған. 2017 жылы ақпан айында алдымен интернет арқылы натрий нитритіне тапсырыс берген. Ал химиялық затты алғаннан кейін суға қосып, күйеуіне берген. Ол кезде ер адам уланғанмен қатты зардап шекпеген.    

Цзяоцзо қаласының орта санаттағы халық сотының шешімімен Ван Юнь өлім жазасына кесілді.

81
Кілт сөздер:
Қытай, балабақша
Тақырып бойынша
Шымкентте балабақшада төрт бала мен тәрбиеші уланып қалды
Алматы облысында балабақшадағы видеодан кейін тәрбиеші хабарсыз кетті
Алматыда балабақшадан сәби ұрламақ болған әйелге қатысты тың дерек шықты
Бүлдіршінді сорпамен күйдірген балабақша қызметкері жазадан құтылды
Шипажайда баланы сүлгімен ұрған тәрбиеші қылмыстық жазаға тартылмайтын болды
Архивтегі фото

Өзбекстанда тұратын қазақ көмек сұрады

2200
Жорықбаев қазақ мәдени орталығының құрылысын екі жыл бұрын бастаған. Ол үшін бизнесін сатып, банктен кредит алған

НҰР-СҰЛТАН, 29 қыркүйек – Sputnik. Өзбекстанда қазақ мәдени орталығын салып жатқан азамат Қазақстандағы қандастарынан көмек сұрады, деп хабарлайды "Хабар 24".

Жақсылық Жорықбаев қазақ жастары арасында ұлттық мәдениет пен салт-дәстүрді дәріптеу үшін орталық ғимаратын өз есебінен тұрғызбақшы еді. Алайда қазір құрылыс тұралап қалған көрінеді.

Ташкенттен 40 шақырым жерде орналасқан Шыршық шаһарында 25 мыңдай қазақ түтін түтетіп отыр.  

"Бұл – біздің орталықтың екінші қабаты. Бұл жерде домбыра, би, жайдарман үйірмелерін өткізбекшіміз. Өзіміздің фольклорлық ансамбліміз болады", - дейді Шыршық қаласы қазақ мәдени орталығының төрағасы Жақсылық Жорықбаев.

Бұл жерді Жақсылық Жорықбаев жергілікті қазақ жастары жиі бас сұғатын орынға айналдырмақшы. Оның мақсаты – балаларды бауырмалдыққа һәм қазақылыққа тәрбиелеу. Қандас бауырымыз Өзбекстанда ұлтымыздың ұлыларын жиі ұлықтайды. Мысалы, биыл Абайдың 175 жылдығына арнап ауқымды ісшара өткізген.

"Ата дәстүрді үйретуіміз керек. Осы құрылысты сол үшін қолға алдық. Жастарды бір жерге жинап үйретпесек, түсінбейді. Әркім өз тіршілігін істеп жүр", - дейді орталық басшысы.

"Бір мәселеміз бар еді, оны да Мирзиеев шешіп берді": Өзбекстандағы қазақтардың өмірі

Жорықбаев қазақ мәдени орталығының құрылысын екі жыл бұрын бастаған. Ол үшін бизнесін сатып, банктен кредит алған. Ғимаратты былтыр өткен Өзбекстандағы Қазақстан жылы қарсаңында салып бітіруді көздеген еді. Қазір қаржы мәселесі қос бүйірден қысып отыр дейді ол.  

"Мен 120 мың доллардан артық қаржы жұмсадым. Енді 30 мың доллар болса, жұмыс бітеді. Қазақстан халқы жәрдем беріп жатса, Алла разы болады деп ойлаймын", - деп түйіндеді Жақсылық Жорықбаев.

2200
Тақырып бойынша
XXI ғасырдың қазағына оғаш көрінетін салт-дәстүрлер
Өзбекстаннан келген оралман отбасында жантүршігерлік қылмыс жасалды
Қаны сирек кездеседі: қазақ жігіті қытайларға қалай көмектесіп жүр
Моңғолияның парламентіне үш қазақ депутат болып сайланды
"Қиыншылық көресің": Түркиядағы қазақ елге неге оралғысы келмейтінін айтты