Мұнай скважинасы

АҚШ Ресейден мұнай сатып алуға тыйым салуы мүмкін бе

101
(Жаңартылды 14:47 15.09.2020)
Америкалықтар "Солтүстік ағын–2" жобасы бойынша жаңа санкциялар жариялауға дайындалып жатыр. Бірақ, өздері ресейлік мұнайдың ең ірі импорттаушысы болып отыр

Әлемдік деңгейдегі жетекші аналитикалық басылымдардың бірі мұндай позицияны екіжүзділікке балап, Ресейден мұнай тасымалдауды доғару керек деп санайды. Алайда, мұның орындалуы екіталай: себебі, ауыр мұнайға бейімделген мұнай өңдеуші зауыттардың тұралап қалу қаупі бар, деп жазады РИА Новости.

Ірі тұтынушы

Конгресс "Солтүстік ағын–2" жобасымен байланысты еуропалық компанияларға шектеулер енгізуді жоспарлап отыр. Бұл Германияда үлкен дау тудырып, Берлин Вашингтонның өзіне қарсы санкциялар қолдануы мүмкін екенін мәлімдеді.

Америкалық ықпалды аналитикалық басылым The National Interest (NI) атап көрсеткендей, мұндай реакция түсінікті: Вашингтонның екіжүзділігі айқын. Осы жылы экспорттың 12% сатып алу көрсеткішімен АҚШ ресейлік шикі мұнайды импорттаушылардың көшін бастап тұр.

АҚШ энергетикалық басқармасының (ЕІА) ақпаратына сәйкес, алғашқы жарты жылда Ресейден Штаттарға тоғыз миллион тоннадан (68 миллион баррель) астам мұнай өнімдері жеткізілген – бұл соңғы 16 жылдағы рекордтық көрсеткіш.

Екіжүзділік әрекеті

Ведомство нақтылауына сәйкес: қағаз жүзінде АҚШ екінші орында, себебі, Нидерланды 12,19 миллион тонна сатып алған. Бірақ бұл ел транзиттік хаб. Ол жақтан мұнай өнімдері басқа мемлекеттерге жіберіледі. Ал Америка мұнайды жеке тұтынуы үшін сатып алып отыр. Сондықтан Вашингтонмен еш ел бәсекелесе алмайды.

Басылым мынадай қадам ұсынып отыр: заңнама ресейлік импортқа тыйым салады. Мысалы, конгресс осы тасымалдауларды қамтамасыз етіп отырған компанияларға қатысты қаржылық санкциялар енгізсе болар еді.

Бірақ оны жүзеге асыру жолы түсініксіз. Себебі, үшінші мемлекеттерге қарсы өз санкцияларының арқасында америкалықтар ресейлік шикізатқа тікелей тәуелді болып қалды. Мұны ресми түрде өткен жылы мойындаған болатын.

Баламасы жоқ

Ресей АҚШ-қа шикі мұнай жеткізетін алтыншы мемлекет болатын. Ал 2020 жылдың ақпан айына қарай Канадаға ғана басымдық беріп, екінші орынға көтерілді. Венесуэладан келетін ауыр мұнайдан айырылып қалған және Иран импортының күрт төмендеуіне тап болған америкалықтарға шұғыл түрде баламалы тасымалдаушыларды табу керек болды.

Бірқатар мұнай өңдеуші кәсіпорындардың технологиялары Пермь бассейні мен Батыс Техастың жеңіл мұнайларын қолдануға жарамауы проблемаға айналып отыр. Әсіресе, Мексика бұғазы мен Шығыс жағалау МӨЗ қиын жағдайда қалды.

Бұл зауыттар бұрын Венесуэладан сатып алынған ауыр мұнаймен жеңіл мұнайды араластырып пайдалануға бейімделген. Бірақ өткен жылдың қаңтар айында Дональд Трамп Каракасқа қарсы санкциялар енгізді. Нәтижесінде, венесуэлалық экспорт 32 проценткен құлдырады.

Америкалық МӨЗ алдында шикізат жетіспеушілігі салдарынан тоқтап қалу қаупі туындады. Мұндайға жол бермес үшін америкалықтар ресейлік Urals-қа ауысып, мазут сатып алу белсенділігін арттырды.

Өткен жылы АҚШ Ресейден 11 миллион тонна мазут импорттаған. Бұл 2018 жылғы көрсеткіштен екі есе көп. Америкалық Vortexa компаниясының сарапшылары бұл Венесуэладан жеткізілетін жоғарыкүкіртті жанармай орнын толтыруға көмектеседі деп санайды.

Венесуэлалық мұнайдың баламасы ретінде Сауд Арабиясының мұнайы химиялық құрамы жағынан сәйкес келер еді. Бірақ арабтар мұнай өндірісінің көлемін арттыруға келіспеді. Сол себепті, экономика саясатты сырып, америкалықтарды ресейлік мұнайды импорттауына мәжбүрледі.

Сонымен қатар, фрахт (жүкті тасыған үшін ақы) құны айтарлықтай төмендеді. Ал карантиннен шыққан соң отын бағасы күрт өсіп кетті.

Жалпы, америкалық МӨЗ-дердің ресейлік ауыр мұнайды сатып алудан басқа амалы қалмады. Бұған мемлекетаралық қарым-қатынастың ушығуы да, көптеген санкциялар да әсер ете алмады. Сол себепті, осы жағдайдың барлығын ескере отырып, "Солтүстік ағын–2" жобасына тосқауыл жасау өз әрекетіне қайшы қадам болып қабылданады.

101
Кілт сөздер:
Ресей, АҚШ, мұнай
Владимир Путин

Ресей президентін Бейбітшілік үшін Нобель сыйлығына ұсынды

2
Өтінім 10 қыркүйекте Ослодағы Нобель комитетінің штаб-пәтеріне түсті, деп хабарлады ресейлік жазушы Сергей Комков

НҰР-СҰЛТАН, 24 қыркүйек – Sputnik. Жазушы Сергей Комков Ресей Федерациясының президенті Владимир Путинді 2021 жылғы Бейбітшілік үшін Нобель сыйлығына ұсынғанын мәлімдеді, деп хабарлады РИА Новости.

"Мен тиісті өтінімді 9 қыркүйекте жібергенмін. Келесі күні, яғни 10 қыркүйекте ол өтінім Ослодағы Нобель комитетінің штаб-пәтеріне түсті", - деді Комков арнайы баспасөз мәслихатында.

Оның айтуынша, өтінімдерді қабылдау қыркүйекте басталып, қазан айында аяқталады. Комитет барлық өтінімді наурызға дейін қарайды.

Путиннің баспасөз хатшысы Дмитрий Песков те осы бастамаға қатысты пікір білдірді.

"Шешім қабылданса, тамаша болады. Ал болмаса, ештеңе етпес", - деді Песков журналистерге берген сұхбатында.

Оқи отырыңыз: Әдебиет саласындағы Нобель сыйлығы фотографтың кесірінен ешкімге бұйырмады 

Айта кетейік, 9 қыркүйекте Норвегияның стортинг (парламент) депутаты Кристиан Тибринг-Чьедде 2021 жылғы бейбітшілік үшін Нобель сыйлығын АҚШ президенті Дональд Трампқа табыстауды ұсынды.

2017 жылы Қазақстанның тұңғыш президенті Нұрсұлтан Назарбаев та ядролық қарусыздандыру саласындағы еңбегі үшін осы сыйлыққа ұсынылған болатын.

2
Кілт сөздер:
сыйлық, Владимир Путин
Паспорт

Ресейдегі қазақстандықтар желтоқсан айының ортасына дейін тіркеуден босатылды

7
Бұл шара коронавирус пандемиясы жағдайында азаматтардың түрлі мақсатта орын ауыстыруын жеңілдетуді қарастырады  

НҰР-СҰЛТАН, 24 қыркүйек – Sputnik. Ресейдегі қазақстандықтар желтоқсан айының ортасына дейін тіркеуден босатылды.

Ресей президенті Владимир Путин "Коронавирус инфекциясының (COVID-19) одан әрі таралу қаупіне байланысты Ресей Федерациясындағы шетелдік азаматтар мен азаматтығы жоқ адамдардың құқықтық мәртебесін шешудің уақытша шаралары туралы" өзінің №274 жарлығына өзгерістер енгізді.

Оқи отырыңыз: Қазақстандықтар 26 қыркүйектен бастап Мәскеуге ұша алады 

"Осы құжатқа сәйкес, тіркелудің немесе уақытша тұруға рұқсаттың мерзімі 2020 жылдың 15 наурызынан 15 желтоқсанына дейінгі мерзімде аяқталса да Қазақстан азаматтары елде тіркеусіз еркін тұра алады. Осы кезең үшін оларға ешқандай айыппұл мен депортация шаралары қолданылмайды", - деп хабарлады Қазақстанның Ресейдегі елшілігі.  

Жоғарыда аталған өзгерістерге сәйкес, паспорттың немесе жеке куәліктің қолданылу мерзімі 2020 жылдың 14 наурызынан кейін аяқталған болса, Ресейден Қазақстанға мерзімі өткен құжаттармен кетуге рұқсат етіледі, бірақ үшінші елдер арқылы транзитпен шығуға тыйым салынады.

7
Кілт сөздер:
Ресей, желтоқсан, тіркеу
Тақырып:
Коронавирус эпидемиясы
Тақырып бойынша
Қазақстан мен Ресей арасындағы әуе қатынасы жанданады
Қазақстан мен Египет арасындағы әуе қатынасы 12 қыркүйекте жанданады
Қырғызстанға ұшуға рұқсат берілді: алғашқы рейске билеттер сатылып кетті
Польша Қазақстанмен әуе қатынасын қайта қалпына келтіретін болды